Opgestaan geëet oppad strand toe by die mark. Hier sien ons hoe mens sap maak van suikerriet. Net gister het ons gewonder of Rio ‘n mark het. Vandag loop ons hom raak. Dis Sondae, reg om die parkie in die stad. Orals is kosstalletjies, vrugte, groente, kruie, vis, vleis te koop teen goeie pryse. Mense kom met mandjies en karretjies en koop vir die week. 

Andersins is die strate rustig. Ons stap af strand toe. Daar is ‘n sonnetjie wat wil-wil deurkom, maar dis bewolk. Jy begin die oggend op Rio se strande met ‘n caipirinha, so half cachaça en bietjie suurlemoensap en die oggend koerant….

Die kinders wil net in die sand speel. Hier sit ons heeldag tot 15:00. Dis sand kastele, die vulkane en dorpies. Riviere, huise en kerke, alles word gebou. Janko grou ‘n gat wat baie groot en diep is. Gou is hy weg onder die sand. 

Dis weer Rio en sy verkopers. Ons is rustig, dis die see en ons voorlaaste dag in Suid-Amerika. Vanaand gaan ek nie my summary skryf nie, maar ek wil dink dat mens eerder hier moet bly as die bloedige, geldgierige greedy Suid-Afrika. Korrupsie is orals, die verskil is net dat mens hier nie so bedreig voel nie. Hier kan mens actually leef…

Ai, ek is glad nie lus vir Johannesburg nie. Nie lus vir die verkeer, mense, alarms…niks. Vir 5 maande geen elektriese heinings en sekuriteitshekke nie. Geen maar absoluut geen gevoel van onveilig wees nie. En nou is dit tot ‘n einde.